باکمال لوکاں دی لاجواب پریمیئر سروس بند ہون دا خدشا

اسلام آباد(پاکستان پوائنٹ نیوز05۔دسمبر2016ء) باکمال لوک ، لاجواب سروس دا وِرد کرن والی قومی ائر لائن پی آئی اے دی پریمیئر سروس بند ہون دا خدشا ظاہر کیتا جا رہیا اے۔ تفصیل دے مطابق پریمیئر سروس نے پی آئی اے نوں صرف تن مہینیاں وچ ساڈھے چار کروڑ دا جھٹکا لادِتا اے۔ نجی ٹی وی چینل دے مطابق ایس پریمیئر سروس نوں وزیر اعظم نواز شریف دی اُچیچی خاہش اُتے شروع کیتا گیاسی جہدے بعد آکھیا جا رہیا سی کہ ایہ سروس پی آئی اے دی بحالی وچ اہم کردار ادا کرے گی۔ ایس سروس لئی مہنگے جہاز مُل لِتے گئے جدکہ اک جہاز دے اک گھنٹے دا کرایا 8ہزار ڈالر سی، ایس سروس لئی دو ہور جہاز مُل لین دا فیصلا کیتا گیا سی پر اک ای جہاز نال اینا نقصان ہویا کہ ہُن سروس بند کرن دا خدشا ہور ودھ گیا۔