پی آئی اے نے اپنی نویں ویب دا ٹرائل ورژن لانچ کر دِتا: ترجمان پی آئی اے دانیال گیلانی

اسلام آباد(پاکستان پوائنٹ نیوز03۔دسمبر2016ء) پاکستان انٹرنیشنل ائر لائن (پی آئی اے) نے اپنی نویں ویب سائٹ دا ٹرائل ورژن لانچ کر دتا اے۔ ترجمان پی آئی اے دانیال گیلانی نے دسیا کہ مسافراں دی سہولت لئی اک توں ودھ سیکٹرز اُتے آن لائن ریزرویشن دی سہولت بہترکر دِتی اے۔ ٹرائل ورژن وچ ورتیندڑاں دی رائے نال کُجھ ہفتیاں وچ ای ویب سائٹ منتقل کر دِتی جائے گی۔ ترجمان نے دسیا کہ نویں سال دی پہلی تماہی تیک چیک ان تے وادھو سامان دی بکنگ ویب دے ذریعے ممکن ہو سکے گی۔ ترجمان دا کہنا سی کہ سمارٹ فون ایپ نوں ورتیندڑاں دی رائے دے بعد پکا کر دِتا جائے گا۔