ممبئی(پاکستان پوائنٹ نیوز02۔دسمبر2016ء) بھارتی ٹی وی دے اداکار مکیش راول دی موت نوں پولیس نے خدکشی قرار دے دِتا۔ تفصیل دے مطابق پچھلے دِنا بھارتی ٹی وی دے مشہور اداکار راول دی لاش ممبئی دے کاندی والی ریلوے سٹیشن دے نیڑیوں ملی سی جہدے بعد پولیس نے معاملے نوں ابتدائی طور اُتے خدکشی قرار دِتا سی پر اداکار دے گھر والیاں نے خدکشی دے اقدام نوں رَد کر دِتا پر پولیس ولوں تحقیقات وچ وجہ ساہمنے آ گئی اے۔
پولیس نے رپورٹ وچ اداکار دے گھر والیاں ولوں قتل دے خدشے نوں رَد کردے ہوئے خدکشی قرار دِتا اے جدکہ پولیس نے تحقیقات دے دوران ریلوے سٹیشن دی سی سی ٹی وی فوٹیج حاصل کر لئی اے جہدے وچ آسانی نال ویکھیا جا سکدا اے کہ اداکار دی موت ریل گڈی ساہمنے چھال مارن پاروں ہوئی اے۔ یاد رہوے کہ بھارتی ٹی وی اداکار مکیش روال نے کئی ڈرامہ سیریل وچ اداکاری کیتی اے تے اوہناں دا شمار گجرات دے مشہور اداکاراں وچ ہوندا سی۔
