چنبہ ہاﺅس وچ ن لیگی کارکن سمیعہ چودھری دی موت ، ہور انکشاف ساہمنے آ گئے

سمیعہ چودھری دے کمرے وچوں 3بندیاں دے شیواں منگوا کے کھان پین دے ثبوت ملے نیں: پولیس

چنبہ ہاﺅس وچ ن لیگی کارکن سمیعہ چودھری دی موت ، ہور انکشاف ساہمنے آ گئے
سمیعہ چودھری دے کمرے وچوں 3بندیاں دے شیواں منگوا کے کھان پین دے ثبوت ملے نیں: پولیس

لاہور(پاکستان پوائنٹ نیوز01۔دسمبر2016ء) چنبہ ہاﺅس وچ ن لیگی کارکن سمیعہ چودھری دی موت بارے تحقیقات جاری نیں۔ پولیس دا کہنا اے کہ سمیعہ دی موت بارے ہور انکشافات ساہمنے آئے نیں۔ پولیس نے دسیا کہ سمیعہ چودھری دے کمرے وچوں تن بندیاں دے کھان پین دے ثبوت ملے نیں، کھانا کسے نجی فوڈ کمپنی توں منگوایا گیا سی۔ سمیعہ چودھری دے کمرے دا بوہا کُھلا سی جدکہ لاش اُتے کمبل سی۔

پولیس دے مطابق سمیعہ سِدھی لَمے پئی ہوئی سی جدکہ اوہدے مونہ توں جِھگ نل رہی سی۔ پولیس دا کہنا اے کہ سمیعہ دے کمرے وچ پئے اک پرس وچوں اک پُڑی وی برآمد ہوئی سی جہدے وچ ہلکے کالے رنگ دا پاﺅڈر سی۔ پولیس دے مطابق پاﺅڈر نوں معائنے لئی فرانزک لیبارٹری گھل دِتا گیا اے۔ پولیس نے ہور دسیا کہ سمیعہ چودھری مکمل طور اُتے صحت مند سی تے اوہدے کمرے توں قتل یاں خدکشی دے کوئی ثبوت نہیں ملے۔ پولیس دے مطابق جس کمرے توں لاش برآمد ہوئی اوس کمرے دیاں شیواں بالکل صحیح حالت وچ سن ، لاش ویکھ کے پتا چلدا اے کہ کوئی مزاحمت نہیں ہوئی۔