کراچی(پاکستان پوائنٹ نیوز28۔نومبر۔2016ء) پاکستان دے مشہور لکھاری انور مقصود دا کہنا اے کہ میری ناں نال سوشل میڈیا اُتے موجود سارے اکاﺅنٹس جعلی نیں۔ تفصیل دے مطابق میڈیا نال گل بات کردے ہوئے انور مقصود دا کہنا سی کہ اوہ سمارٹ فون، لیپ ٹاپ تے انٹرنیٹ ورتدے ای نہیں۔ اوہناں نے اپنا فون وکھاندے ہوئے دسیا کہ میرے کول اک انج دا فون اے جہدے وچ نہ تصویر آﺅندی اے جدکہ میسج وی بڑی مشکل نال آﺅندا اے۔
اوہناں نے آکھیا کہ سوشل میڈیا اُتے 5،6 لوک نیں جو میرے ناں نال سنیہا گھلدے نیں، کئی وار لوکاں نوں چنگا لگدا اے جدکہ کئی وار لوک ایہناں سنیہیاں نوں چنگا نہیں سمجھدے۔ اوہناں نے آکھیا کہ میں میڈیا دے ذریعے اوہناں لوکاں نوں جو میرے ناں نال جعلی اکاﺅنٹس چلا رہے نیں، ایہ کہنا چاہنا واں کہ اوہ انج نہ کرن۔ انور مقصود نے اپیل کیتی کہ اوہناں دے جعلی اکاﺅنٹس چلان والے بندے اوہناں دا ناںورت کے کسے وی مسئلے اُتے تبصرے کرن توں پرہیز کرن۔ یاد رہوے کہ انور مقصود دے جعلی اکاﺅنٹس توں ملک وچ ہوئے معاشی، سماجی، معاشرتی تے سیاسی مسئلیاں اُتے اک ٹویٹ کیتا جاندا سی۔
