اسلام آباد(پاکستان پوائنٹ نیوز22۔نومبر۔2016ء) ایوان بالا نوں دسیا گیا اے کہ سعودی عرب توں تن ہزار توں ودھ پاکستانی واپس آ گئے نیں جدکہ دو ہزار توں ودھ نوںدوجیاں کمپنیاں وچ ایڈجسٹ کیتا گیا اے۔ تفصیل دے مطابق منگل دے دیہاڑے ایوان بالا وچ وقفہ سوالات دے دوران سینیٹر کرنل (ر) سید طاہر حسین مشہدی ولوں سوال دے جواب وچ مشیر خارجا سرتاج عزیز نے دسیا کہ 8ہزار پاکستانیاں نوں سعودی عرب وچ تنخاہواں نہ ملن پاروں اوکڑاں دا ساہمنا اے، دو ہزار توں ودھ نوں دوجیاں کمپنیاں وچ نوکریاں دِتیاں گئیاں نیںتے تن ہزار واپس آ گئے نیں۔
سعودی حکومت نے کئی کمپنیاں دیاں ادائیگیاں آپ کیتیاں نیں۔ اوہناں نے دسیا کہ وزارت داخلا تے نادرا دی مدد نال بیرون ملک 14پاکستانی مشنزوچ نادرا ولوں سہولتاں موجود نیں۔
