اسلام آباد(پاکستان پوائنٹ نیوز17۔نومبر۔2016ء) پارلیمنٹ دا سانجھا اجلاس کجھ دیر پہلے شروع ہو گیا اے جہدے وچ رلت لئی وزیر اعظم نواز شریف، ترک صدر طیب اردوان، چاراں صوبیاں دے وزیر اعلا، ہتھیار بند فوجاں دے سربراہ تے پاکستان تحریک انصاف دے علاوا پاکستان دیاں ساریاں سیاسی جماعتاں دے ارکان اسمبلی و سینیٹرز سنے اعلا تے اہم شخصیتاں موجود نیں۔
یاد رہوے کہ پارلیمنٹ دے ایس سانجھے اجلاس وچ رلت لئی وزیر اعلا کے پی کے پرویز خٹک نہیں پہنچے جدکہ اوہناں دی پارٹی نے پارلیمنٹ دے سانجھے اجلاس دے بائیکاٹ دا اعلان کیتا ہویا اے جہدے اُتے اوہناں نوں ڈاڈھی تنقید دا نشانا وی بنایا جا رہیا اے۔ میڈیا نمائندا تے تجزیا کاراں دا کہنا اے کہ پرو یز خٹک نوں سیاستی اختلافات نوں پرے رکھد ے ہوئے اک صوبے دا وزیر اعلا ہون اُتے اجلاس وچ رلت کرنی چاہیدی سی پر اوہناں نے سیاسی اختلافات دی بنیاد اُتے پارٹی نوں اپنی ذمے واری اُتے ترجیح دِتی جو افسوسناک گل اے۔
