میئر کراچی وسیم اختر سنٹرل جیل توں رہا

وسیم اختر دا ایم کیو ایم دی قیادت تے کارکناں نے سنٹرل جیل دے باہر استقبال کیتا

میئر کراچی وسیم اختر سنٹرل جیل توں رہا
وسیم اختر دا ایم کیو ایم دی قیادت تے کارکناں نے سنٹرل جیل دے باہر استقبال کیتا

کراچی(پاکستان پوائنٹ نیوز16۔نومبر۔2016ء) میئر کراچی وسیم اختر نوں سنٹرل جیل توںرہا کردِتا گیا اے، وسیم اختر نوں 39مقدمیاں وچ ضمانت اُتے رہا کیتا گیا اے۔ عدالت نے اج وسیم اختر دی 5لکھ رُپئے دی ضمانت منظور کیتی سی۔ تفصیل دے مطابق میئر کراچی وسیم اختر دی رہائی دے بعد ایم کیو ایم دے رہنما تے کارکن سنٹرل جیل دے باہر پہنچ گئے۔ وسیم اختر دے استقبال لئی ایم کیو ایم پاکستان دے کنوینئر فاروق ستار، فیصل سبزواری تے عامر خان سینٹرل جیل پہنچ گئے۔

وسیم اختر دی رہائی دے بعد ایم کیو ایم دے کارکناں دی وڈی گنتی وی سنٹرل جیل دے باہر جمع ہو گئی۔ کارکناں نے وسیم اختر اُتے پُھلاں دیاں پتیاں سُٹیاں تے گلے وچ ہار پائے۔ یاد رہوے کہ وسیم اختر نوں 19جولائی نوں عدالت دے احاطے توں گرفتار کیتا گیا سی۔ عدالت نے میئر کراچی تے ایم کیو ایم دے رہنما وسیم اختر دی 39مقدیاں وچ ضمانت منظور کردے ہوئے اوہناں نوں رہا کرن دا حکم دِتا سی۔