اسلام آباد(پاکستان پوائنٹ نیوز16۔نومبر۔2016ء) تحریک انصاف دے چیئرمین عمران خان نے آکھیا اے کہ سچ بولنا آسان نہیں اے، سچ اوہ نہیں جو نواز شریف نے سپریم کورٹ وچ بولیا، لیڈر اوہ بَندا اے جو سچ تے حق اُتے کھلوندا اے، پاکستانی پڑھیاراں نوں اپنے اندر سچا انسان بنن والی کوالٹی لیانی ہووے گی۔ تفصیل دے مطابق اج اسلام آباد وچ آئی ایس ایف دے کنونشن نال خطاب کردے ہوئے عمران خان نے آکھیا کہ میرا پڑھیاراں نوں پیغام اے کہ پاکستان دے سارے وڈے مگر مچھ اک پاسے کھلوتے ہون پر تُسیں سچ نال کھلونا اے۔
اوہناں نے آکھیا کہ دنیا گِدڑ ر دی کدی عزت نہیں کردی۔ اوہناںد ا کہنا سی کہ اک وڈا انسان اپنے خوف اُتے قابو پا جاند ااے، دنیا دا پہلا بندا توں اُچے پہاڑ اُتے چڑھیا تے اوہنوں خوف سی کہ ایس توں پہلے لوکاں دی طرحاں اوہ نہ مر جائے پر اوہنے اپنے خوف اُتے قابو پاکے دنیا دے اُچے پہاڑ اُتے پیر رکھ دِتے۔ اوہناںد ا کہنا سی کہ جو بندا وڈے فیصلے کرن توں ڈردا اے اوہ وڈابنداتے وڈا کھڈاری نہیں بن سکدا۔
اوہناں نے آکھیا کہ اپنے اندر دے بت نوں توڑنا پئے گا، خود غرضی اُتے قابو پانا ہوئے گا۔ اوہناں نے آکھیا کہ چار شیواں انسان نوں وڈا بندا بنا دیندیاں نیں جہناں وچ سچ بولنا، خوف اُتے قابو پانا تے انصاف کرنا شامل اے۔ اوہناں دا کہنا سی کہ قائداعظم محمد علی جناح نے اپنی ذات یاں اقتدار لئی پاکستان نہیں بلکہ ساڈے لئی پاکستان بنا رہے سن۔ اوہناں نے آکھیا کہ کرپشن دے کیسز نوں ختم اودوں کراں گے جدوں ملکی ادارے مضبوط ہون گے۔ اوہناں نے آکھیا کہ آئی ایس ایف نوں پیغام اے کہ تُسیں ممبر شپ کرنی اے تے اوہدے بعد آئی ایس ایف چوں آن والے ویلے دا لیڈر نکلے گا۔
