لاہور(پاکستان پوائنٹ نیوز16۔نومبر۔2016ء) سکیورٹی خدشیاں پاروں پاکستان پیپلز پارٹی دے چیئرمین بلاول بھٹو زرداری تے اوہناں دیاں دوویں بھیناں بختاور تے آصفہ بھٹو نوں اکٹھے سفر نہ کرن دی ہدایت کیتی گئی اے۔ وسیلیاں دے مطابق بلاول بھٹو، بختاور تے آصفہ نے سکیورٹی اداریاں دی ہدایت اُتے فضائی سفر توں علاوا ملک اندر کسے وی پاسے جان توں پہلے اکٹھے سفر نہ کرن دا فیصلا کیتا اے۔
سکیورٹی اداریاں دا کہنا اے کہ جے کسے تھاں جانا ضروری ہووے تے اوہ وکھ وکھ سواری تے رستیاں اُتے سفر کرن۔ یاد رہوے کہ آصفہ بھٹو پیر نوں کراچی توں بلاول ہاﺅس لاہور پہنچیاں تے پیپلز پارٹی دے رہنما جہانگیر بدر دے گھر تعزیت لئی کَلیاں ای گئیاں۔وسیلیاں دا دعوا اے کہ بلاول بھٹو زرداری وی آن والے 24گھنٹیاں وچ کَلے ای جہانگیر بدر دے گھر والیاں نال تعزیت دا وکھالا کرن لئی آن گے۔
