کراچی(پاکستان پوائنٹ نیوز16۔نومبر۔2016ء) احتساب عدالت نے کرپشن تے دہشت گرداں دی مدد دے الزام وچ گرفتار پیپلز پارٹی دے رہنما تے سابق مشیر پٹرولیم ڈاکٹر عاصم نوں اوہناں دے ذاتی ہسپتال وچ علاج دی اجازت دے دِتی۔ میڈیا رپورٹ دے مطابق ڈاکٹر عاصم حسین نے کراچی دی احتساب عدالت وچ ہائیڈرو تھراپی تے ہور ڈاکٹری سہولتاں بارے درخاست جمع کروائی سی۔
درخاست وچ موقف اختیار کیتا گیا سی کہ میڈیکل بورڈ نے خراب طبیعت پاروں ڈاکٹر عاصم نوں ٹرن پھرن توں منع کیتا اے تے میڈیکل بورڈ نے علاج لئی ہائیڈرو تھراپی اُتے زور دِتا اے پر اوہناں دے اپنے ہسپتال توں علاوا کراچی دے کسے وی وڈے سرکاری یاں نجی ہسپتال وچ ہائیڈرو تھراپی دی سہولت نہیں اے، ایس لئی اوہناں نوں اپنے ذاتی ہسپتال وچ علاج دی اجازت دِتی جائے۔ یاد رہوے کہ ارباں رُپئے دی کرپشن تے دہشت گرداں دی مدد دے الزام وچ گرفتار ڈاکٹر عاصم کئی بیماریاں وچ مبتلا نیں جدکہ کُجھ دن پہلے اوہناں اُتے فالج دا حملا وی ہویا سی۔
