اسلام آباد(پاکستان پوائنٹ نیوز14۔نومبر۔2016ء) پاناما لیکس کیس دے سلسلے وچ عوامی مسلم لیگ دے سربراہ شیخ رشید نے وی سپریم کورٹ وچ دستاویزات جمع کروا دِتیاں نیں۔ تفصیل دے مطابق شیخ رشید ولوں جمع کروائیاں گئیاں دستاویزات چھ سو صفحیاں اُتے مشتمل نیں۔ سپریم کورٹ وچ دستاویزات جمع کروان دے بعد میڈیا نال گل بات کردے ہوئے شیخ رشید دا کہنا سی کہ سپریم کورٹ پاناما لیکس اُتے جو فیصلا کرے گی اوہنوں اسیں تے 20کروڑ لوکائی قبول کرے گی۔
اوہناں نے آکھیا کہ مینوں پورا یقین اے کہ سپریم کورٹ پاناما لیکس وچ انصاف اُتے مبنی فیصلا دیوے گی۔ یاد رہوے کہ سپریم کورٹ نے پاناما لیکس دی پچھلی سنوائی وچ فریقاں نوں ثبوت جمع کروان دا حکم دِتا سی جہدے بعد اج پی ٹی آئی نے وی سپریم کورٹ وچ اپنے ثبوت جمع کروا دِتے نیں۔
