ایل او سی اُتے بھارتی جارحیت، وزیر اعظم نواز شریف ولوں افسوس دا وکھالا

اسلام آباد(پاکستان پوائنٹ نیوز14۔نومبر۔2016ء) ایل او سی اُتے بھارتی جارحیت اُتے وزیر اعظم نواز شریف نے افسوس دا وکھالا کردے ہوئے آکھیا اے کہ بھارتی فوجیاں ولوں ایل او سی اُتے سیز فائر دی خلاف ورزی افسوسناک اے۔ اوہناں نے آکھیا کہ پاکستان کسے وی جارحیت خلاف دفاع دی بھرپور صلاحیت رکھدا اے۔ وزیر اعظم دا کہنا سی کہ سیز فائر سمجھوتے دی خلاف ورزی دا مقصد مسئلا کشمیر توں توجہ ہٹانا اے۔ اوہناں دا کہنا سی کہ بھارتی فوجیاں نے کشمیر وچ معصوم کشمیریاں اُتے بہت ظلم کیتا اے۔ اوہناں نے ہور آکھیا کہ بھارتی قبضے خلاف تحریک آزادی زوراں اُتے اے۔