دشمن وی لاشاں چُک رہیا اے: وفاقی وزیر دفاع

دشمن وی لاشاں چُک رہیا اے: وفاقی وزیر دفاع

اسلام آباد(پاکستان پوائنٹ نیوز14۔نومبر۔2016ء) وفاقی وزیر دفاع خواجا آصف دا کہنا اے کہ دشمن وی لاشاں چُک رہیا اے۔ تفصیل دے مطابق ایل او سی اُتے بھمبر سیکٹر اُتے فائرنگ تے پاک فوج دے جواناں دی شہادت اُتے گل بات کردے ہوئے خواجا آصف دا کہنا سی کہ پاک فوج دشمن نوں جواب دے رہی اے، ایل او سی اُتے بھارت نے آرٹلری دی ورتوں کیتی۔ اوہناں دا کہنا سی کہ بھات ہن ایل او سی اُتے بھاری ہتھیاراں دی ورتوں شروع کر رہیا اے پر پاک فوج نے دشمن نوں بھرپور جواب دِتے جہدے نتیجے وچ ہُن دسمن وی لاشاں چک رہیا اے۔

خواجا آصف نے آکھیا کہ بھارت اپنی اشتعال انگیزی توں باز نہیں آ رہیا، پاکستان اندر دہشت گردی وچ وی بھارت ای ملوث اے، پاکستان دے معاشی انتظامات بھارت نوں پسند نہیں تے اوہ پاکستان خلاف افغانستان نوں ورت رہیا اے۔ وفاقی وزیر دفاع دا کہنا سی کہ پاک فوج ایل او سی اُتے اک اک انچ دفاع کر رہی اے جے اوہ جارحیت کردے نیں تے اسیں چپ نہیں رہندے۔ اوہناں دا کہنا سی کہ ساڈے سفیر ایہ مسئلا مختلف ملکاں وچ چُک رہے نیں۔ اوہناں نے آکھیا کہ بھارتی شہر گجرات وچ وی معودی نے انج ای قتلام کیتا سی۔ اوہناں دا کہنا سی کہ مودی تشددوالی سوچ نوں ہوا دے کے الیکشن مہم چلانا چاہندے نیں۔ یاد رہوے کہ بھمبرسکیٹر اُتے بھارتی فوج دی بلااشتعال فائرنگ دے نتیجے وچ 7پاکستانی فوجی جوان شہید ہو گئے نیں۔