کراچی(پاکستان پوائنٹ نیوز14۔نومبر۔2016ء) پیپلز پارٹی دے سینئر ترین رہنما جہانگیر بدر پچھلی رات دل دا دورا پین نال چلانا کر گئے۔ اوہناں دے ایس دنیا توں چلے جان دی خبر سُن کے آصف علی زرداری سنے بلاول بھٹو تے بختار بھٹونے ہِرکھ دا وکھالا کیتا۔ تفصیل دے مطابق مائیکرو بلاکنگ ویب سائٹ ٹوئٹر اُتے اپنے پیغام وچ سابق صدر آصف علی زرداری دا کہنا سی کہ بڑے دُکھ نال مینوں ساڈے چنگے ساتھی جہانگیر بد ر دے انتقال بارے دسیا گیا اے، اوہناں نے آکھیا کہ اوہ بڑے بہادر انسان سن تے ضیاءالحق دے دور وچ اوہناں نے جیل وچ کٹی۔
بلاول بھٹو زرداری دا کہنا سی کہ مینوں ایس خبر بارے سُن کے ڈاڈھا جھٹکا لگا۔ اوہناں نے اپنے ٹویٹ وچ آکھیا کہ انکل جہانگیر بدرمیں تہاڈے بارے کدی نہیں سوچیا سی کہ ایس سفر وچ تُسیں ساڈے نال نہیں ہوو گے جدکہ بختاور بھٹو زرداری نے اپنے اک ٹویٹ وچ آکھیا کہ جہانگیر بدر پیپلز پارٹی دے مضبوط جیالے سن جو تن پشتاں توں پیپلز پارٹی دے نال رہے۔
