لاہور(پاکستان پوائنٹ نیوز11۔نومبر۔2016ء) پنجاب حکومت نے صوبے بھر توںجعلی ڈاکٹراں تے حکیماں دے خاتمے دا عزم کرلیا۔جعلی ڈاکٹراں تے حکیماں اُتے مکمل پابندی لا دِتی گئی اے۔ محکما قانون نے ایس حوالے نال رولز دا نوٹی فکیشن وی جار ی کر دِتا۔ وسیلیاں دے مطابق ایس ویلے صوبے بھر وچ ہزاراں دی گنتی وچ جعلی ڈاکٹر لوکاں دیاں جاناں نال کھیڈ رہے نیں تے ایس حوالے نال ہن پنجاب حکومت نے جعلی ڈاکٹراں خلاف ایکشن لین دا فیصلا کر لیا اے۔
وسیلیاں دے مطابق جعلی ڈاکٹراں دے خاتمے لئی قائم پنجاب ہیلتھ کیئر کمیشن کروڑاں رُپئے دے فنڈز دی ورتوں دے باوجود وی اپنیاں ذمے واریاں پوریاں کرن وچ ناکام رہیا اے جدکہ ہن حکومت نے جعلی حکیماں تے جعلی ڈاکٹراں دے خاتمے لئی تیار کیتے گئے رولز دی منظور دیندے ہوئے نوٹی فکیشن جاری کر دِتا اے۔پنجاب حکومت دے وسلیاں مطابق ہُن پنجاب وچ ہر قسم دے جعلی حکیماں تے ڈاکٹراں اُتے پابندی لا دتی گئی اے تے قانون خلاف کم کرن والیاں خلاف سخت کارروائی کیتی جائے گی۔
