پرویز خٹک دا بابر اعوان نال رابطا، حکومت خلاف تشدد دا مقدما درج کران اُتے مشورا

مقدمے وچ وزیر اعظم تے وفاقی حکومت نوں فریق بنایا جا سکدا اے: وسیلے

پرویز خٹک دا بابر اعوان نال رابطا، حکومت خلاف تشدد دا مقدما درج کران اُتے مشورا
مقدمے وچ وزیر اعظم تے وفاقی حکومت نوں فریق بنایا جا سکدا اے: وسیلے

پشاور(پاکستان پوائنٹ نیوز11۔نومبر۔2016ء) وزیر اعلا کے پی کے پرویز خٹک نے دھرنے وچ رلت دے دوران قافلے اُتے تشددکرن دے خلاف وزیر اعظم میاں نواز شریف خلاف مقدما درج کران لئی مشورا شروع کر دِتا۔ وسیلیاں دے مطابق وزیر اعلا کے پی کے پرویز خٹک نے قانون دان سینیٹر بابر اعوان نال ٹیلی فون اُتے رابطا کرکے 31اکتوبر نوں پی ٹی آئی کارکناں نوں اسلام آباد آن توں روکن تے تشدد دا نشانا بنان دے معاملے اُتے جلدی ای کیس درج کران دے حوالے نال مشورا کیتا۔

وسیلیاں دا کہنا اے کہ پرویز خٹک ولوں مقدمے وچ وزیر اعظم تے وفاقی حکومت نوں فریق بنایا جائے گا، کے پی کے حکومت ولوں زخمی کارکناں دی لسٹ وی بابر اعوان دے حوالے کیتی جائے گی۔ یاد رہوے کہ 2نومبر نوں اسلام آباد بند کرن دے حوالے نال پرویز خٹک اٹک توں تحریک انصاف دے کارکناں دی وڈی ریلی لے کے وفاقی دارلحکومت ول ٹرے پر اوتھے جان والے سارے رستے کنٹینر لا کے بند کیتے گئے سن، جس پاروں ہارون آباد پل دے نیڑے تحریک انصاف دے کارکناں تے پولیس وچکار لڑائی وی ہوئی سی۔ بعد وچ برہان انٹرچینج اُتے پولیس ولوں وکھالویاں اُتے شیلنگ کیتی گئی سی، جہد ے بعد پرویز خٹک نے اسلام آباد ول جان دی بجائے واپس کے پی کے جان دا اعلان کیتا سی۔