اسلام آباد(پاکستان پوائنٹ نیوز10۔نومبر۔2016ء) وزیر دفاع خواجا آصف نے این اے 110 وچ دھاندلی کیس دا فیصلااپنے دے حق وچ آن دے بعد خشی دا وکھالا کردے ہوئے آکھیا اے کہ اللہ تعالی تے عدالت عظمی دا شکریا اداکرنا واں، میرے کول اللہ تعالی دا شکر ادا کرن لئی الفاظ نہیں نیں۔ اوہناں نے آکھیا کہ سپریم کورٹ نے سیالکوٹ دی لوکائی دی تائید کر دِتی۔ سیالکوٹ دی لوکائی میرے نال اے۔
یادر ہوے کہ سپریم کورٹ نے عثمان ڈار دی اپیل بارے فیصلا سُنا دِتا اے۔ سپریم کورٹ نے الیکشن کمیشن دے فیصلے نوں برقرار رکھدے ہوئے پی ٹی آئی دے رہنما عثمان ڈار دی اپیل رد کر دِتی اے۔ خواجا آصف دے وکیل نے سپریم کورٹ دے بعد باہر میڈیا نال گل بات کرد ے ہوئے آکھیا کہ سپریم کورٹ نے قرار دِتا اے کہ خواجا آصف نے الیکشن ٹھیک طریقے نال جِتیا اے۔
