امریکی صدر بنن اُتے بلاول بھٹو دی ڈونلڈ ٹرمپ نوں مبارکباد

کراچی(پاکستان پوائنٹ نیوز09۔نومبر۔2016ء) پاکستان پیپلز پارٹی دے چیئرمین بلاول بھٹو زرداری نے ڈونلڈ ٹرمپ نوں امریکی صدر بنن اُتے مبارکباد دِتی اے۔ تفصیل دے مطابق ٹویٹر اُتے اپنے پیغام وچ بلاول بھٹو زداری دا کہنا سی کہ میرا ناں بلاول اے، میں مسلمان تے پاکستانی آں تے ایس دنیا دا رہن والا آں، اپنے پیغام وچ اوہناں نے ڈونلڈ ٹرمپ نوں مخاطب کرکے مبارکباد دِتی۔ اک ہور پیغام وچ بلاول بھٹو دا کہنا سی کہ’ زندا ہے بے نظیر زندا ہے‘ تے ہیلری کلنٹن نوں مخاطب کردے ہوئے اوہناں نے آکھیا کہ تُسیں بہادری نال امریکی صدارتی انتخاب وچ مقابلا کیتا۔ تہاڈے مستقبل لئی نیک خاہشاں نیں۔ اپنے آخری پیغام وچ بلاول بھٹو زرداری نے ہور آکھیا کہ جے پاکستانی اپنے آپ نوں بچانا چاہندے نیں تے 2018 دے الیکشن وچ مینوں ووٹ دین، اسیں رلکے بی بی دا پاکستان بناواں گے۔