بار بار آکھاں گا، عمران خان توں وڈا نواز شریف دا کوئی مددگارنہیں اے: خورشید شاہ

اسلام آباد(پاکستان پوائنٹ نیوز08۔نومبر۔2016ء) اپوزیشن لیڈر قومی اسمبلی سید خورسید شاہ نے آکھیا اے کہ میں بار بار آکھاں گا کہ عمران خان توں وڈا نواز شریف دا کوئی مددگار نہیں اے۔ میڈیا نال گل بات کردے ہوئے اوہناں نے آکھیا کہ حکومت پاناما لیکس نوں طول دینا چاہندی اے ، ساڈی پارٹی آشا پاشا دے آکھن اُتے نہیں بنی، اسیں پاناما دا معاملا لے کے سپریم کورٹ وچ نہیں گے۔ اپوزیشن لیڈر دا کہنا سی کہ حکومت انج دے کم کردی ای کیوں اے جہدے اُتے سوال چُکے جاندے نیں، پاناما بارے خورشید شاہ نے آکھیا کہ پاناما کیس دا فیصلا 20دناں وچ نہیں آئے گا۔ اوہناں نے آکھیا کہ عمران خان توں وڈا نواز شریف دا کوئی مددگار نہیں اے۔ عمران خان نے نواز شریف نوں مضبوط کیتا اے۔