3ورھیاں دے بال دی بلے بازی نے دنیا نوں حیران کر دِتا

نویں دِلی(پاکستان پوائنٹ نیوز08۔نومبر۔2016ء) 3ورھیاں دی عمر وچ عام طور اُتے بال نویاں نویاں شیواں سکھن دے نال نال کھڈونیاں نال کھیڈدے ہوندے نیں پر ایہدے باوجود ایس دنیا وچ انج دے بال وی موجود نیں جو اپنی عمر توں زیادا وڈے کم کردے نیںکہ ویکھدے ای بندا حیران رہ جاندا اے۔ بھارت وچ اک ا یس طرحاں دا ای اک بال ساہمنے آیا اے جہدی عمر تے صرف تن سال اے پر اوہ نہ صرف کرکٹ نال لگاﺅ رکھدا اے بلکہ ایسی بلے بازی وی کردا اے جہنوں ویکھ کے تہانوں وی وڈے وڈے بلے بازاں دی یاد آ جاوے گی۔ شایان جمال ناں دے بال دی عمر صرف تن سال اے پر اوہ اپنے سکول دی انڈر 12ٹیم لئی کھیڈدا اے، اوہدی بیٹنگ ویکھ کے انج لگدا اے کہ اوہنے ہُن توں ای بھارت دا نواں ویرات کوہلی بنن ول سفر شروع کر دِتا اے۔