نکاح بارے غلط بیانی: عمران خان دی نااہلی لئی الیکشن کمیشن وچ درخاست دائر

اسلام آباد(پاکستان پوائنٹ نیوز08۔نومبر۔2016ء) پی ٹی آئی چیئرمین عمران خان دی اپنے نکاح بارے غلط بیان اُتے اوہناں خلاف نااہلی دی درخاست دائر کردِتی گئی اے۔ تفصیل دے مطابق الیکشن کمیشن وچ ایہ درخاست جسٹس پارٹی دے سربراہ مصنف اعوان ولوں دائر کیتی گئی اے۔الیکشن کمیشن وچ دائر درخاست وچ موقف اختیار کیتا گیا کہ پی ٹی آئی چیئرمین عمران خان نے اپنے نکاح بارے جھوٹھ بولیا۔ جھوٹھ بولن اُتے عمران خان آرٹیکل 62تے 63دے زمرے وچ آ گئے نیںایس لئی جھوٹھ بولن اُتے رکن پارلیمان دی حیثیت پاروں اوہناں نوں نااہل قرار دِتا جائے۔