پاناما لیکس دے معاملے اُتے کمیشن نہیں بننا چاہیدا: سینیٹر اعتزاز احسن

پاناما لیکس دے معاملے اُتے کمیشن نہیں بننا چاہیدا: سینیٹر اعتزاز احسن

اسلام آباد(پاکستان پوائنٹ نیوز07۔نومبر۔2016ء) سینیٹر اعتزاز احسن دا کہنا اے کہ پاناما لیکس دے معاملے اُتے سپریم کورٹ نوں کمیشن نہیں بنانا چاہیدا سی۔ میڈیا نال گل بات کردے ہوئے اوہناں نے آکھیا کہ کمیشن نہ بنان دی رائے اپوزیشن جماعتاں دی سانجھی اے۔ اعتزاز احسن نے آکھیا کہ سپریم کورٹ اپوزیشن جماعتاں ولوں پیش کیتے گئے بل دی روشنی وچ فیصلا کرے۔

اوہناں نے آکھیا کہ پاناما بل اُتے ساریاں اپوزیشن جماعتاں راضی نیں۔ اپوزیشن جماعتاں دا پاناما بل اُتے نال نہ ہون دا تاثر غلط اے۔ اوہناں نے آکھیا کہ پاناما بل اُتے اپوزیشن دیاں ساریاں جماعتاں دے دستخط نیں۔ اپوزیشن دیاں ساریاں جماعتاں نے سانجھے ٹی او آرز بنائے نیں۔ اعتزاز احسن دے بل نوں سپریم کورٹ دی انکوائری وچ بنیاد بنانا چاہیدا۔

اوہناں نے آکھیا کہ پاناما بل اُتے بحث لئی حکومت نے اج ہون والا اجلاس وی ملتوی کر دِتی اے۔ پاناما بل دا مستقبل حکومت دے ہتھ وچ اے۔ اوہناں دا کہنا سی کہ حکومت پاناما معاملے دیاں تحقیقات توں نس رہی اے۔ اوہناں نے آکھیا کہ ہور سپریم کورٹ نوں چاہیدا سی کہ پاناما کیس اُتے کمیشن بنان دی بجائے آپ فیصلا کرے کیوں جے کمیشن بنن نال فیصلا لیٹ ہووے گا۔