بھارتی شہری نے دوجا ویاہ کرن لئی اپنی پہلی بیوی تے چار دھیاں نوں قتل کر دِتا

بھارتی شہری نے دوجا ویاہ کرن لئی اپنی پہلی بیوی تے چار دھیاں نوں قتل کر دِتا

بھارت(پاکستان پوائنٹ نیوز05۔نومبر۔2016ء) بھارتی ریاست اترپردیش دے شہر جے پور وچ اک بھارتی شہری نے دوجا ویاہ کرن دی خاہش وچ اپنی پہلی بیوی تے چار دھیاں نوں قتل کر دِتا۔ جہدے اُتے ڈسٹرکٹ اینڈ سیشن جج رجبیر سنگھ نے رام آنند نامی شہری نوں موت دی سزا دا حکم دیندے ہوئے 20ہزار رُپئے جرمانا وی اداکرنا دا حکم دِتا۔ ضلعی حکومتی کونسل دے مطابق رام آنند نے اپنی 35ورھیاں دی پہلی بیوی سنگیتا، 7ورھیاں دی دھی تلسی، 5ورھیاں دی لکشمی، 3ورھیاں دی کالج تے دو مہینیاں دی اک دھی نوں 2010 وچ قتل کر دِتا سی۔

جہدے بعد رام آنند نے اوہناں دیاں لاشاں نوں ساڑ کے ایہ تاثر دین دی کوشش کیتی کہ ایہ ڈکیتی دا اک واقعا سی، پر تحقیقات وچ ایہ گل ساہمنے آئی اے کہ رام آنند نے گوانڈ ھ وچ موجود اک سوانی نال ویاہ کرن لئی بے رحمی نال اپنے خاندان نوں ختم کر دِتا۔ ٹرائل کورٹ دی سنوائی دے دوران رام آنند اُتے جرم ثابت ہویا جہدے اُتے جج نے رام آنند نوں موت دی سزا دا حکم دے دِتا۔