لاہور(پاکستان پوائنٹ نیوز05۔نومبر۔2016ء) وزیر اعظم میاں نواز شریف دے امریکا وچ موجود اثاثے منجمد کرن لئی پاکستان انسٹی ٹیوٹ آف ہیومن رائٹس ولوں امریکی اٹارنی جنرل نوں خط لکھ دتا گیا۔ میڈیا رپورٹ دے مطابق پاکستان انسٹی ٹیوٹ ہیومن رائٹس دے سربراہ بیرسٹر سید محمد جاوید اقبال جعفری نے امریکی اٹارنی جنرل نوں لکھے گئے خط وچ الزام لایا اے کہ میاں نواز شریف نے غیر قانونی طور اُتے منی لانڈرنگ دے ذریعے ارباں رُپئے پاکستان توں امریکا منتقل کیتے۔
خط دے متن وچ آکھیا گیا اے کہ میاں محمد نواز شریف نے منی لانڈرنگ نال پیسے امریکا منتقل کر کے غیر قانونی اثاثے بنائے جدکہ امریکی قانون دے تحت منی لانڈرنگ کرن والے کسے وی بندے خلاف امریکی حکومت کارروائی دا اختیار رکھدی اے، میاں نواز شریف دے امریکا وچ موجود اثاثیاں نوں فریز کرکے تحقیقات کیتیاں جان۔
