ویاہ دیاں بڑیاں آفراں ہو رہیاں نیں، بھیناں توں مشورا لواں گا: بلاول بھٹو

ویاہ دیاں بڑیاں آفراں ہو رہیاں نیں، بھیناں توں مشورا لواں گا: بلاول بھٹو

کراچی(پاکستان پوائنٹ نیوز05۔نومبر۔2016ء) کراچی وچ میڈیا نال گل بات کردے ہوئے پاکستان پیپلز پارٹی دے چیئرمین بلاول بھٹو زرداری دا کہنا سی کہ ویاہ لئی بہت ساریاں آفراں ہو رہیاں نیں، اوہناں نے آکھیا کہ جو عورت میرے نال ویاہ کرے گی اوہدے لئی مشکل ہووے گا۔ اوہناںدا کہنا سی کہ میں ایس سلسلے وچ اپنیاں بھیناں نال مشورا کراں گا، جو میرے نال ویاہ کرنا چاہندی اے پہلے میریاں بھیناں اوہنوں سمجھان گیاں۔ بلاول بھٹو زرداری نے ہور آکھیا کہ میں ساریاں زباناں سِکھنا چاہنا واں، اجے میں سندھی وی سکھ رہیا واں۔ اوہناں دا کہنا سی کہ جہناں مینوں اُردو سکھائی اوہ مینوں سندھی وی سکھان گے۔ جہدے بعد میں سرائیکی تے ہور زباناں وی سکھاں گا۔