کراچی(پاکستان پوائنٹ نیوز05۔نومبر۔2016ء) انسداد دہشت گردی عدالت نے دو مقدمیاں وچ میئر کراچی وسیم اختر دی ضمانت منظور کر لئی اے۔تفصیل دے مطابق میئر کراچی وسیم اختر دی دو مقدمیاں وچ ضمانت درخاست دی سنوائی ہوئی۔ انسداد دہشت گردی عدالت نے جھیڑوی تقریر وچ سہولت کاری سنے دو مقدمیاں وچ وسیم اختر دی ضمانت نوں منظور کر لئی اے۔ عدالت نے وسیم اختر دی ضمانت منظور کردے ہوئے اوہناں نوں اک اک لکھ رُپئے دے ضمانتی مچلکے وی جمع کروان دا حکم دِتا اے۔
یاد رہوے کہ ہن تیکر 37مقدمیاں وچ وسیم اختر دی ضمانت ہو چکی اے جہدکہ دو مقدمے ایسے نیں جہناں وچ کراچی دے میئردی ضمانت ہونا باقی اے۔ ایہناںدو مقدمیاں وچ 12مئی بارے مقدما تے دہشت گرداں دے علاج معالجے وچ سہولت فراہم کرن دا مقدما وی شامل اے۔ ایہناں دو مقدمیاں وچ وی ضمانت ہون دی صورت وچ وسیم اختر رہا ہو سکن گے۔ دوجے پاسے وسیم اختر نے دہشت گرداں دے علاج وچ سہولت کاری دے مقدمے وچ وی ضمانت درخاست دائر کر دِتی اے۔ وسیم اختر دے وکیل دا کہنا اے کہ ایس ضمانت درخاست دی سنوائی اج ہووے گی۔
