لاہور(پاکستان پوائنٹ نیوز04۔نومبر۔2016ء) لاہور دے بدلاں موجودسموگ نے اپنا اثر وکھانا شروع کر دِتا ، شہری ساہ، گلے تے دمے دے روگاں دا شکار ہو کے ہسپتالاں وچ پہنچن لگے، ڈاکٹراں دی شہریاں نوں غیر ضروری گھروں باہر نہ نکلن دی ہدایت۔ تفصیل دے مطابق لاہور وچ بدلاں وچ دُھوڑجمعے دے دیہاڑے گھٹ رہی پر ہسپتالاں وچ روگیاں دی وڈی گنتی دے نتیجے وچ ایہدے اثرات دا اندازا لانا مشکل نہیں، ہسپتالاں وچ ساہ، دمے، گلے، نمونیا تے الرجی دے روگیاں دا رش لگ گیا اے جہناں وچ بالاں تے بزرگاںدی گنتی زیادا اے۔
لاہور دے ہسپتالاں وچ صرف 12گھنٹیاں دے دوران 1200 روگی آئے، جناح ہسپتال وچ 130 بال تے 30 بزرگ شہری ایمرجنسی وچ لیاندے گئے جدکہ ڈاکٹراں نے شہریاں نوں ماسک پاکے گھروں نکلن، پنکھے نہ چلان تے نیم گرم پانی ورتن دی ہدایت کیتی اے۔ ڈاکٹراں دا کہنا اے کہ دل دے روگی گھراں وچ رہ کے سٹیم لین، ٹھنڈے پیون تے کھان پین دیاں کھٹیاں شیواں توں پرہیز کرن۔ محکما موسمیات دا کہنا اے کہ آسمان وچ موجود دُھوڑ بارش ہون اُتے ختم ہو جاوے گی۔
