اسلام آباد(پاکستان پوائنٹ نیوز04۔نومبر۔2016ء) کھانے دی تیاری وچ دیر اُتے راولپنڈی دے رہائشی اک وکیل نے اسلام آباد دے مشہور تے پسندیدا ریسٹورنٹ اُتے مقدما درج کروا دِتا۔ تفصیل دے مطابق وکیل نے 3کروڑ دا مقدما درج کروان دے بعد موقف اختیار کیتا کہ ریسٹورنٹ نے آرڈر کیتے گئے کھانے دی تیاری وچ دیر کیتی جہدی وجہ توں مینوں ذہنی تکلیف تے شرمندگی دا ساہمنا کرنا پیا۔
حنا نعمان نامی وکیل نے دعوا کیتا کہ پیر سوہاوا وچ موجود مونال ریسٹورنٹ دے سٹاف نے کھانے وچ دیر کرن دی میری شکایت اُتے میرے نال بدتمیزی کیتی تے مینوں ہراساں کرن دی کوشش وی کیتی جدکہ حنا نعمان نے دعوا کیتا کہ ریسٹورنٹ نے اک گھنٹے دے انتظار دے بعد کھانا تیار کیتا پر دیر دے مگروں وی مینوں اوہ کھانا نہیں دِتا گیا جہدا میں آرڈر کیتا سی۔
اوہناں نے دسیا کہ کھانا دیر نال آن اُتے جدوں میں احتجاج کیتا تے ریسٹورنٹ وچ موجود سٹاف نے میرے نال بدتمیزی کیتی تے مینوں ہراساں وی کیتاجہدی وجہ توں مینوں اپنے بالاں، پروہنیاں تے آئے ہوئے ہور لوکاں دے ساہمنے شرمندگی ہوئی۔ اوہناں نے عدالت وچ دائر درخاست وچ ہوردسیا کہ ریسٹورنٹ دے منیجر نے اپنی شناخت واضح نہیں کیتی جدکہ اپنے ہتھ نال بیچ اُتے لکھے گئے ناں نوں لُکا لیا۔ عدالت نے ریسٹورنٹ انتظامیا نوں نوٹس جاری کردے ہوئے جواب منگ لیا اے۔
