پاناما معاملے اُتے وزیراعظم دے بالاں دا جواب پیر نوں جمع کروا دیاں گے: مصدق ملک

وزیر اعظم پاناما کیس دیاں شفاف تحقیقات چاہندے نیں: انٹرویو

پاناما معاملے اُتے وزیراعظم دے بالاں دا جواب پیر نوں جمع کروا دیاں گے: مصدق ملک
وزیر اعظم پاناما کیس دیاں شفاف تحقیقات چاہندے نیں: انٹرویو

اسلام آباد(پاکستان پوائنٹ نیوز04۔نومبر۔2016ء) وزیراعظم دے ترجمان مصدق ملک نے آکھیا اے کہ پاناما معاملے اُتے وزیر اعظم دے بالاں دا جواب پیر نوں جمع کروا دِتا جائے گا۔ اک انٹرویو وچ مصدق ملک نے آکھیا کہ اٹارنی جنرل وزیر اعظم دا کیس نہیں لڑ رہے، وزیر اعظم دے اپنے وکیل کیس دی نمائندگی کر رہے نیں، وزیر اعظم نے لیگل ٹیم نوں آکھیا کہ اوہ سنوائی دے دائرے نوں چیلنج نہیں کرن گے۔

مصدق ملک دا کہنا سی کہ اٹارنی جنرل عدالت دی مدد کر رہے نیں، کسے وی کیس وچ عدالت اوہناں نوں سَد سکدی اے۔ اوہناں نے آکھیا کہ وزیر اعظم نے زمین مُل لے کے دھی نوں تحفے وچ دِتی سی، مریم نواز ہر سال باقاعدگی نال ٹیکس دیندیاں نیں، اوہ سالہوار 24توں 25لکھ ٹیکس دیندیاں نیں۔ اوہناں نے آکھیا کہ پاناما دا معاملا عدالت وچ اے، وزیر اعظم پاناما کیس دیاں شفاف تحقیقات چاہندے نیں۔ اوہناں دا ہور کہنا سی کہ وزیر اعظم دے بالاںدا جواب پیر نوں جمع کروا دیاں گے۔