پشاور ہائی کورٹ نے شرب گلہ نوں ملک بدر کرن دا حکم دے دِتا

پشاور ہائی کورٹ نے شرب گلہ نوں ملک بدر کرن دا حکم دے دِتا

پشاور(پاکستان پوائنٹ نیوز04۔نومبر۔2016ء) پشاور ہائی کورٹ نے افغان سوانی شربت گلہ بی بی نوں ملک بدر کرن دا حکم جاری کر دِتا۔ تفصیل دے مطابق شربت گلہ بی بی نوں اُچیچی عدالت وچ پیش کیتا گیا جتھے عدالت وچ شربت گلہ بی بی دا چالان پیش کیتا گیا۔ شربت گلہ بی بی نے عدالت دے ساہمنے جرم قبول کر لیا جہدے اُتے عدالت نے شربت گلہ بی بی نوں ملک بدر کرن دا حکم دے دِتا۔ عدالت نے شربت گلہ نوں 15 دن قید دے نال 10 ہزار رُپئے جرمانے دی سزا وی سُنائی۔ عدالت نے حکم دِتا کہ شربت گلہ بی بی نوں سزا پوری ہون اُتے ڈی پورٹ کیتا جائے۔ یاد رہوے کہ شربت گلہ بی بی نوں جعلی تے غیر قانونی شناختی کارڈ بنوان دے الزام وچ ایف آئی اے نے گرفتار کیتا سی۔