عمران خان دی سپریم کورٹ دے باہر اک بندے نال ہون والی گل بات دی کہانی ساہمنے آ گئی

عمران خان دی سپریم کورٹ دے باہر اک بندے نال ہون والی گل بات دی کہانی ساہمنے آ گئی

اسلام آباد(پاکستان پوائنٹ نیوز04۔نومبر۔2016ء) پچھلے دیہاڑے ایہ خبر عام ہوئی سی کہ پاناما لیکس کیس دی سنوائی لئی سپریم کورٹ آئے پی ٹی آئی چیئرمین عمران خان نے داخلا ٹکٹ دین والے بندے دا ہتھ پھڑیا تے ایہ آکھیا کہ توں مینوں جاندا اے کہ میں کون آں؟ جہدے اُتے سوشل میڈیا اُتے عمران خان دے ایس رویے اُتے اوہناں دے کارکن وی حیران ہوئے پر ہن ایس مکالمے دی کہانی کُھل کے ساہمنے آ گئی اے۔

نجی ٹی وی چینل دی اک رپورٹ دے مطابق عمران خان جدوں سپریم کورٹ وچ پاناما لیکس دی سنوائی لئی آئے تے اک ساحل نے اگانہ ودھ کے عمران خان نوں اپنا شناختی کارڈ پھڑان دی کوشش کیتی جہدے اُتے عمران خان نے اوہدا ہتھ پھڑیا تے اپنے پولیٹیکل سیکرٹری نوں ہدایت کیتی کہ اوہ سائل دا شناختی کارڈ لے لوو، عمران خان نے اوس سائل نوں مدد دی یقین دہانی وی کروائی۔