وزیر داخلا چودھری نثار علی خان تے وزیر اعلا پنجاب میاں شہباز شریف دی ملاقات

لاہور(پاکستان پوائنٹ نیوز04۔نومبر۔2016ء) وفاقی وزیر داخلا چودھری نثار علی خان تے وزیر اعلا پنجاب میاں محمد شہباز شریف دی ملاقات ہوئی ۔تفصیل دے مطابق دوویں رہنماواں وچکار ایہ 18گھنٹیاں وچ ہون والی دوجی ملاقات اے۔ ملاقات وچ ملک دی مجموعی سیاسی تے سکیورٹی صورتحال سنے ڈان لیکس دے معاملے اُتے وی گل بات کیتی گئی۔ وزیر اعلا پنجاب دا کہنا سی کہ لوکائی نے انتشار دی سیاست نوں رَد کر دِتا اے جدکہ وفاقی وزیر داخلا چودھری نثار علی خان دا کہنا سی کہ پنجاب وچ نیشنل ایکشن پلان (نیپ) اُتے عملدرآمد دا اقدام تحسین جوگ اے۔ اوہناں نے آکھیا کہ ملک وچ امن دے قیام لئی ہر ممکن اقدامات کراں گے، دوویں رہنماواں وچکار ایہ ملاقات پچھلی رات ہون والی ملاقات دے تسلسل وچ ہوئی۔