پاکستان تحریک انصاف نے سپریم کورٹ وچ اپنے ٹی او آرز جمع کروا دِتے

پاکستان تحریک انصاف نے سپریم کورٹ وچ اپنے ٹی او آرز جمع کروا دِتے

اسلام آباد(پاکستان پوائنٹ نیوز03۔نومبر۔2016ء) پاکستان تحریک انصاف نے سپریم کورٹ وچ اپنے ٹی او آرز جمع کروا دِتے نیں۔ تفصیل دے مطابق ٹی او آرز وچ تحریک انصاف نے سوال پُچھے نیںکہ نیسکال لمیٹڈ، نیلسن انٹرپرائزر تے برٹس ورجن آئی لمیٹڈ کمپنیاں کدوں بنائیاں گئیاں؟ایہناں کمپنیاں دے اصلی مالک، حقیقی وارث تے اوہناں توں فائدا چُکن والے کون نیں؟ پارک لین دے فلیٹ 16،16 اے، 17 تے 17اے بارے دسیا جائے، نواز شریف نے 1993 وچ لندن وچ کِنے فلیٹس خریدے؟ لندن وچ پیسے کدوں تے کہڑے وسیلیاں نال منتقل کیتے گئے؟ وزیر اعظم نواز شریف نے 1982 توں 1996 تیکر کِنا ٹیکس دِتا؟ کیہ فلیٹ مُل لین بارے وزیر اعظم نواز شریف نے اسمبلی وچ جھوٹھ بولیا؟ کیہ وزیر اعظم نواز شریف اسمبلی وچ جھوٹھ بولن دے بعد صادق و امین رہے؟ کیہ ایہناں سچائیاں دی روشنی وچ رکن اسمبلی نااہل ہو سکدا اے؟ ٹی او آرز وچ آکھیا گیا اے کہ ایس سارے معاملے وچ دو سوال اہم نیں۔

پہلا ایہ کہ کہڑے اکاﺅنٹ توںا لتوفیق کمپنی نوں 32ملین ڈالرز دِتے گئے؟ تے دوجا ایہ کہ مریم نواز فیئر فلیٹ دی اکلوتی مالک کیویں بنی؟ پی ٹی آئی ولوں سپریم کورٹ وچ جمع کروائے گئے ٹی او آرز نال حقائق تے معلومات دیاں تفصیلاں وی جمع کروائیاں گئیاں نیں۔