عمران خان دے جلسے توں ثابت ہو گیا کہ اوہ فوج دا بندا نہیں اے: ڈاکٹر عامر لیاقت حسین

عمران خان دے جلسے توں ثابت ہو گیا کہ اوہ فوج دا بندا نہیں اے: ڈاکٹر عامر لیاقت حسین

کراچی(پاکستان پوائنٹ نیوز03۔نومبر۔2016ء) ٹی وی میزبان تے مشہورمذہبی سکالر ڈاکٹر عامر لیاقت حسین نے نجی ٹی وی چینل اُتے پی ٹی آئی دے پچھلے دیہاڑے ہون والے جلسے اُتے گل بات کردے ہوئے آکھیا کہ پی ٹی آئی دا جلسہ ویکھ کے اک گل ثابت ہو گئی اے جو میں واضح آکھاں گا کہ عمران خان فوج دا بندا نہیں اے، اوہناں نے آکھیا کہ نواز شریف دے پراپیگنڈے مطابق عمران خان نوں فوج دا بندا ثابت کرن دی کوشش کیتی جا رہی سی کہ اوہ فوج دے آکھن اُتے سارا کُجھ کر رہیا اے پر عمران خان نے ایہ چیز ثابت کر دِتی اے کہ اوہ فوج دا بندا نہیں اے۔ اوہناںد ا کہنا سی کہ ایہدے بعد اوہناں خلاف سازش ناکام ہوئی تے ایہ گل وی عمران خان نے ثابت کیتی کہ اوہ لوکائی دا بندا اے تے لوکائی دا نمائندا اے۔ ڈاکٹر عامر لیاقت نے آکھیا کہ عمران خان دے ایس اقدام توں ایہ چیز صاف ظاہر ہو گئی کہ اوہ تشدد دی سیاست نہیں کر رہیا حالانکہ اوہناں دے ورکراں نوں ماریا جا رہیا۔ اوہناں نے آکھیا کہ میں کرپشن خلاف کھلون اُتے جماعت اسلامی نوں وی کریڈٹ دیاں گا۔ اوہناں نے ہور کیہ آکھیا تُسیں وی ویکھو: