ساریاں نے بڑا زور لایا، حکومت کیتے نہیں جارہی:خواجا آصف

ساریاں نے بڑا زور لایا، حکومت کیتے نہیں جارہی:خواجا آصف

اسلام آباد(پاکستان پوائنٹ نیوز03۔نومبر۔2016ء) سپریم کورٹ دے باہر پرچا کاراں نال گل بات کردے ہوئے وفاقی وزیر خواجا آصف نے آکھیا کہ ساڈے وڈکے تحریک آزادی ویلے وی سن، اوہناں نے آکھیا کہ اسیں محنت دی رُکھی سُکھی کھا ندے آں، اوہناں دا کہنا سی کہ اسیں کیتے نہیں جا رہے، جدوں وی بولنا واں حکومت دی ترجمانی کرنا واں۔ اوہناں دا کہنا سی کہ لوکاں نے بڑا زور لایا اے پر حکومت کیتے نہیں جا رہی۔

خواجا آصف دا کہنا سی کہ بھارت خلاف بولن دی فرمائش دی لوڑ نہیں اے، بھارت ساڈازل توں دشمن اے،ایس لئی اپنے نمبر نہیں ودھانا چاہندا، گڈانی واقعے بارے اوہناں نے دسیا کہ گڈانی دے واقعے خلاف کابینا اجلاس نے کمیٹی قائم کر دِتی اے۔ اوہناں نے ہور آکھیا کہ وزیر اعظم نال ورکنگ باﺅنڈری تے کشمیر دی صورتحال اُتے گل بات کیتی گئی اے، ورکنگ باﺅنڈری اُتے صورتحال دا جائزا لِتا جا رہیا اے۔ اوہناں دا کہنا سی کہ سیاستداناں دے مقدر وچ تبدیلی آ رہی اے، دعا کرنا کہ لوکائی لئی وی تبدیلی آ جائے۔ اوہناں دا کہنا سی کہ لیڈر کوئی وی ہووے اوہ ہمیشہ بندیاں دی رہنمائی کردا اے، جاکے گھر نہیں بَہ جاندا۔