وفاقی کابینہ دا اجلاس، وزیراعظم نے عمران خان دا ناں لِتے بغیر تنقید دا نشانا بنایا

اسیں منفی سیاست نوں دفن کر دِتا پر ایہ فیر وی نہیں سمجھے ، اسیں تے پہلے ای پاناما لیکس دے معاملے اُتے عدالت نال رابطا کیتا سی تے ہن وی عدالتی کمیشن دا فیصلا مناں گے، فیصلا بھاویں ساڈے حق وچ ہووے یاں خلاف اسیں نتیجے لئی تیار آں:وزیراعظم دی صدارت ہیٹھ ہون والے اجلاس دی اندرلی کہانی

وفاقی کابینہ دا اجلاس، وزیراعظم نے عمران خان دا ناں لِتے بغیر تنقید دا نشانا بنایا
 اسیں منفی سیاست نوں دفن کر دِتا پر ایہ فیر وی نہیں سمجھے ، اسیں تے پہلے ای پاناما لیکس دے معاملے اُتے عدالت نال رابطا کیتا سی تے ہن وی عدالتی کمیشن دا فیصلا مناں گے، فیصلا بھاویں ساڈے حق وچ ہووے یاں خلاف اسیں نتیجے لئی تیار آں:وزیراعظم دی صدارت ہیٹھ ہون والے اجلاس دی اندرلی کہانی

اسلام آباد(پاکستان پوائنٹ نیوز03۔نومبر۔2016ء) وفاقی کابینا دے بدھ دے دیہاڑے ہون والے اجلاس وچ وزیراعظم میاں نواز شریف نے عمران خان دا ناں لِتے بغیر اوہناں اُتے تنقید کیتی تے آکھیا کہ منفی سیاست اوس بندے دا مستقبل تباہ کر دیوے گا۔ وفاقی کابینا دے اجلاس دی اندرونی کہانی دے مطابق اجلاس وچ وزیر اعظم میاں نواز شریف خشگوار موڈ وچ وکھالی دِتی تے واری واری کابینا دے ہر رکن نال ہتھ ملایا ، اوہناں نال گل بات کیتی پر جدوں اجلاس شروع ہویا تے وزیر اعظم نے وفاقی وزیر داخلا چودھری نثار علی خان دیاں تعریفاں دے پُل بنھ دِتے تے آکھیا تُسیں اپنے پرانے دوست توں میچ جِت لیا، جس طریقے نال تُسیں دھرنا سیاست نوں الُٹایا اے اوہدے اُتے چودھری نثار دا کردار مثالی اے، حالانکہ چودھری نثار عمران خان دے پرانے دوست نیں، جہدے اُتے چودھری نثار نے آکھیا کہ جناب وزیر اعظم اوہ میرے پرانے دوست سن ہُن نہیں نیں، 2014 دے دھرنے وچ اوہناں نے وعدا خلافی کیتی جہدے بعد دوستی ختم ہو گئی تے ہن جو میں کیتا اوہ آئین تے قانون دے مطابق تے ریاست دے تحفظ لئی کیتا، وزیر داخلادے طور اُتے میری ڈیوٹی سی جو میں پوری کیتی تے ایہدے وچ پولیس تے ایف سی دا وی بڑا مثبت اہم تے قدر جوگ کردار سی۔

وسیلیاں دے مطابق وزیر اعظم نے اپنی تقریر وچ کِدھرے وی عمران خان دا ناں تے نہ لیا پر تنقیدڈاڈھی کیتی تے آکھیا کہ ایس طرحاں سیاست نہیں ہوندی جس طرحاں ایہ کر رہے نیں، میں ججز بحالی تحریک دے دوران نکلیا ساں تے ساریاں توں اگے ساںپر ایہ تے بنی گالہ دی پہاڑی توں ہیٹھاں نہیں آئے،ایس قسم دی منفی سیاست اوہناں دا مسقبل تباہ کر دیوے گی۔ اوہناں دا کہنا سی کہ اسیں منفی سیاست نوں دفن کر دِتا پر ایہ فیر وی نہیں سمجھے ایہ ملکی ترقی تے ملکی استحکام دے دشمن نیں۔

اوہناں دا کہنا سی کہ اسیں تے پہلے ای پاناما لیکس دے معاملے اُتے عدالت نال رابطا کیتا سی تے ہن وی عدالتی کمیشن دا فیصلا مناں گے، فیصلا بھاویں ساڈے حق وچ ہووے یاں خلاف اسیں نتیجے لئی تیار آں۔ اسیں پہلے وی سرخرو ہوئے ساں تے ہن وی سرخرو ہوواں گے۔اوہناں دا کہنا سی کہ دھرنا سیاست ملک دے مفاد وچ نہیں تے لوکائی نے اوہناں نوں رَد کر دِتا اے۔ وسیلیاں دے مطابق ایس موقعے اُتے کئی وزیراں دا کہنا سی کہ عمران خان نوں اجے بہت کُجھ ویکھن دی لوڑ اے۔ ہن ایہ تشکر دیہاڑ دی بجائے شرمندگی دیہاڑ منا رہے نیں، 5 ہزار کرسیاں اُتے 10 لکھ بندے کیویں بِہ گے۔