آن والے 24گھنٹیاں دے دوران راولپنڈی، اسلام آباد، مالاکنڈ تے ہزارہ ڈویژن وچ بارش دا امکان

اسلام آباد(پاکستان پوائنٹ نیوز03۔نومبر۔2016ء) محکما موسمیات نے آکھیا اے کہ آن والے 24گھنٹیاں دے دوران راولپنڈی، اسلام آباد، مالاکنڈ ڈویژن وچ بارش دی امید اے جدکہ نومبر تے دسمبر دے مہینے وچ معمول توں گھٹ بارشاں ہون دا امکان اے۔ تفصیل دے مطابق محکما موسمیات دا کہنا اے کہ نومبر تے دسمبر وچ بارشاں گھٹ ہون دے نال نال ڈاڈھی دھند دا وی امکان اے، شہری علاقیاں وچ دُھوڑ والی دھند رہن دا امکان اے، جس پاروں اکھاں سُجن تے ساہ دے روگ لگ سکدے نیں۔