عمران خان دی پارٹی رہنماواں تے کارکناں نوں بنی گالا پہنچن دی ہدایت

اسلام آباد(پاکستان پوائنٹ نیوز31۔اکتوبر۔2016ء) تحریک انصاف دے چیئرمین عمران خان نے کارکناں نوں بنی گالا پہنچن دی ہدایت کر دِتی۔ وسیلیاں دے مطابق عمران خان نے پی ٹی آئی کارکناں نوں ہدایت کیتی کہ اوہ دو نومبر توں پہلے بنی گالا پہنچ جان۔ اوہناں نے پارٹی رہنماواں نوں کسے وی طرحاں بنی گالا پہنچن دی ہدایت کیتی اے۔ دوجے پاسے پولیس نے پی ٹی آئی کارکناں نوں اسلام آباد پہنچن توں روکن لئی دریائے جہلم دے پُل نوں بند کر دِتا اے۔ ایسے طرحاں پشاور توں آن والے کارکناں نوں روکن لئی ٹیکسلا دے مقام اُتے رکاوٹاں کھڑیاں کرکے سڑک نوں بلاک کر دِتا گیا اے جدکہ پولیس ولوں کارکناں دی پکڑ دھکڑ دا سلسلا وی جاری اے۔