لاہور(پاکستان پوائنٹ نیوز03۔دسمبر۔2018ء) عدالتی حکم سُندے ای جوڑا عدالتوں غائب ہوگیا،عدالت نے گھٹ عمر جوڑے نوں عمر پوری ہون تیکر ویاہ نہ کرن دا حکم دتا سی۔ تفصیل دے مطابق مخدوم رشید دے دوالی علاقے ایم آر وچ پچھلے دیہاڑے گھٹ عمر کُڑی گلشن بی بی دا نکاح 22سال دے محسن علی نال ہو رہیا سی جیہدے اُتے گلشن دی ماں حفیظاں بی بی نے پولیس نوں اطلاع کر دتی۔
اطلاع ملدے ای پولیس موقعے اُتے اپڑی جیہنے ویاہ رکوا ندے ہوئے کُڑی ، مُنڈے نوں گرفتار کر کے پچھلے دیہاڑے مجسٹریٹ ساہمنے پیش کیتا۔ جیہدے اُتے عدالت نے کُڑی ،مُنڈے نوں معاف کردے ہوئے ماں پیو نوں حکم دتا کہ جدوں تیکر گلشن بی بی جیہدی عمر 13سال اے اپنی جوانی تیکر دی عمر نوں نہیں اپڑدی ، اودوں تیکر اوہدا ویاہ نہ کیتا جائے۔عدالتی حکم دی خلاف ورزی اُتے قانونی کارروائی کیتی جائے گی۔ پر میڈیا رپورٹس وچ دسیا گیا کہ لاڑی لاڑا حکم سُندے ای عدالتوں غائب ہوگیا۔ یاد رہوے کہ پاکستانی قانون دے مطابق کُڑی یاں مُنڈے دی ویاہ دی عمر 18سال متھی گئی اے۔
