عثمان بزدار دی شاندار کامیابی!

لاہور(پاکستان پوائنٹ نیوز30۔نومبر۔2018ء) عثمان بزدار دی شاندار کامیابی،نواز شریف دے بھتیجیاں دے قبضے توں زمین چھڈوا لئی۔ تفصیل دے مطابق مشہور پرچا کار چودھری غلام حسین نے آکھیا اے کہ وزیر اعلا پنجاب سردار عثمان بزدار دی کارکردگی چنگی اے، ایس لئی وزیر اعظم عمران خان وی ہر ویلے اوہناں دی تعریف کردے نیں۔ اوہناں نے آکھیا کہ عثمان بزدار نے کئی انج دیاں زمیناں چھڈوائیاں نیں جیہناں اُتے غیر قانونی قبضہ سی۔

اوہناں نے دسیا کہ وزیر اعلا پنجاب سردار عثمان بزدار نے ہیڈ بلوکی نال جُڑی 1400ایکڑ زمین ، جیہدے اُتے ناجائز قبضہ سی اوہنوں ریکور کروایا۔ ایہدے وچوں 100ایکڑ یعنی 800کنال اوہناں نے سابق وزیر اعظم نواز شریف دے بھتیجیاں دے قبضے توں چھڈوائی اے۔ اوہناں نے آکھیا کہ جے وزیراعظم عمران خان عثمان بزدار نوں کریڈٹ دیندے نیں تے ایہ آکھنا غلط نہیں ہوئے گا کہ اوہناں نوں بالکل ٹھیک کریڈٹ مل رہیا اے کیونکہ اوہ کم کر رہے نیں۔یاد رہوے کہ پچھلے دیہاڑے حکومت دے پہلے 100دناں دی کارکردگی دی تقریب وچ وزیراعظم عمران نے وزیر اعلا پنجاب سردار عثمان بزدار دی بہت تعریف کیتی سی۔