اسلام آباد(پاکستان پوائنٹ نیوز28۔نومبر۔2018ء) باہرلے ملک وسدے پاکستانیاں لئی اہم خبر،باہرلے ملک وسدے دُہری شہریت رکھن والے بندیاں لئی نائیکوپ دی شرط ختم نہیں ہوئی۔ تفصیل دے مطابق وزیر اعظم عمران خان نے پیر دے دیہاڑے اپنے اک اہم ترین فیصلے راہیں باہرلے ملک وسدے پاکستانیاں نوں زبردست خشخبری دتی سی۔ وزیر اعظم عمران خان نے باہرلے ملک وسدے پاکستانیاں لئی نائیکوپ دی شرط ختم کر دتی سی۔
وزیر اعظم نے مشیر برائے سمندر پار پاکستانی زلفی بخاری دی سفارش مگروں باہرلے ملک وسدے پاکستانیاں لئی نائیکوپ دی شرط ختم کرن دا حکم جاری کیتا گیا سی۔باہرلے ملک وسدے پاکستانیاں نوں نائیکوپ لئی اوکڑاں دا ساہمنا کرنا پیندا سی جدکہ نائیکوپ دی شرط وی غیر ضروری سی۔پر ہن تازہ خبر دے مطابق نائیکوپ دی شرط سارے پاکستانیاں لئی ختم نہیں کیتی گئی بلکہ باہرے ملک وسدے اوہ پاکستانی جیہناں کول دُہری شہریت اے اوہناں لئی نائیکوپ دی شرط اُنجے ای برقرار اے تے اوہناں نوں اجے وی نائیکوپ رکھنا پئے گا۔
