منڈی بہاالدین(پاکستان پوائنٹ نیوز26۔نومبر۔2018ء) سمارٹ فونز دی ورتوں عام ہون مگروں سمارٹ فونز ورتن والیاں ولوں سوشل میڈیا دا استعمال وی بہت ودھ گیا اے۔ سوشل میڈیا اُتے دنیا بھر دے لوک اک دوجے نال صرف اک بٹن دبھ کے ای رابطہ کر لیندے نیں۔ سوشل میڈیا دی وجہ توں جتھے دنیا وچ ہزاراں میل دور بیٹھے لوک دوست بنے اوتھے کُجھ لوکاں نوں ای سوشل میڈیا راہیں اپنی محبت وی مل گئی۔
کُجھ دن پہلاں ای اک امریکی سوانی پاکستانی مُنڈے دی محبت وچ گرفتار ہو کے سیالکوٹ تے امریکی کُڑی لاہورتے ہن اک ہور امریکی سوانی پاکستانی مُنڈے دے عشق وچ گرفتار ہو کے منڈی بہاالدین آ گئی اے۔ میڈیا رپورٹس دے مطابق آن لائن گیم پوکر کھیڈدے کھیڈدے امریکی سوانی منڈی بہاالدین دے نوجوان نوں دل دے بیٹھی تے پاکستان اپڑ کے اسلام قبول کیتا تے فیر ویاہ کر لیا۔ سوانی دا پاکستان وچ بڑے دھوم دھام نال ویاہ ہویا۔ زینب دا آکھنا اے کہ اوہنوں پاکستان آکے بہت چنگا لگا اے۔
