لاہور(پاکستان پوائنٹ نیوز24۔نومبر۔2018ء) وزیر اعظم عمران خان نے آکھیا اے کہ لاہور وچ فٹ پاتھاں اُتے سون والے لوکاں لئی تنبو لا دتے گئے نیں، بے گھر بندے پناہ گاہواں تعمیر ہون تیکر ایہناں تنبواں وچ رہن گے۔ میڈیا رپورٹس دے مطابق وزیراعظم عمران خان ٹھردی سردی وچ بے گھر بندیاں لئی مسیحا بن گئے نیں۔ وزیر اعظم عمران خان نے بے گھر بندیاں لئی پناہ گاہواں دی تعمیر نوں اُڈیکن دی بجائے بے گھر بندیاں لئی تنبو لاکے اوہناں لئی رہن دا مسئلا حل کر دتا اے۔ وزیر اعظم عمران نے اپنے ٹویٹر پیغام وچ آکھیا کہ لاہور وچ فٹ پاتھاں اُتے سون والے بندیاں لئی تنبو لا دتے گئے نیں۔ بے گھر بندے پناہ گاہواں تعمیر ہون تیکر ایہناں تنبواں وچ رہن گے۔ وزیر اعظم عمران خان نے ایہناں تنبواں دی تصویر وی شیئر کیتی اے۔
