21سال دے پاکستانی مُنڈے دا 41سال دی امریکن سوانی نال ویاہ

سیالکوٹ(پاکستان پوائنٹ نیوز17۔نومبر۔2018ء) دو دن پہلاں 41سال دی امریکن سوانی پاکستان آئی۔پاکستان آن مگروں امریکی سوانی نے پچھلے دیہاڑے21سال دے پاکستانی مُنڈے کاشف نال ویاہ کیتا۔سوشل میڈیا اُتے اوہناں دے ویاہ دیاں تصویراں وائرل ہوئیاں تے ورتیندڑاں نے دلچسپ تبصرے کرنا شروع کر دتے۔ سوشل میڈیا اُتے ویاہ دیاں وائرل تصویراں وچ 21سال دا کاشف اُداس وکھالی دتا۔جیہدے اُتے ورتیندڑاں(صارفین) نے کاشف دی اُداسی دی وجہ بارے کئی ٹِیوے لانے شروع کر دتے نیں۔ورتیندڑاں دا آکھنا اے کہ انج لگدا اے کہ امریکن بھابھی نے واپس جان توں انکار کر دتا اے تے ہن اوہدے پاکستان وچ ای شفٹ ہون دا امکان اے۔ ایس لئی کاشفت اُداس اے کہ ہن اوہ کیہ کرے گا۔