بدین(پاکستان پوائنٹ نیوز15۔نومبر۔2018ء) پاکستان پیپلز پارٹی دے شریک چیئرمین آصف زرداری نے آکھیا اے کہ اسلام آباد دے بابوواں اُتے لوکائی نوں اعتبار نہیں، مینوں پتا اے کہ کون کون کتھے کتھے مدد کر رہیا اے، اسلام آباد والیاں نوں سوچنا چاہیدا کہ انسانی ذات دی وی کوئی قیمت اے، ایہ پاکستان صرف لوکائی دے نمائندے ای چلا سکدے نیں۔ اوہناں نے اج خطاب کردے ہوئے آکھیا کہ مینوں پتا اے کہ کون کون کتھے کتھے مدد کر رہیا اے۔
کاش کسے نے ساڈی حکومت دی وی مدد کیتی ہوندی۔ اسیں کسے دے حق اُتے ڈاکا نہیں ماردے۔ اوہناں نے آکھیا کہ بدین دا اجیہا کوئی مسئلا نہیں جو مینوں پتا نہ ہوئے۔ وزیر اعلا نال گل بات کیتی اے مسئلا حل ہو جائے گا۔ بدین نال وی ناانصافی ہوئی اے، جیہناں نے بدین نال بُرا کیتا اوہناں نوں وی حساب دینا پئے گا۔ آصف زرداری نے آکھیا کہ اسلام آباد والیاں نوں سوچنا چاہیدا کہ انسانی ذات دی وی کوئی قیمت ہوندی اے۔
ایہ پاکستان صرف لوکائی دے نمائندے ای چلا سکدے نیں اوہ وی اصلی نماندے ۔ کوئی کھیڈ کے کرکٹر بن گیا اے۔ سپورٹس دا لیڈر پاکستان دا لیڈر نہیں بن سکدا۔ بھاویں اوہدی کِنی وی مدد کیتی جائے۔ اوہناں نے آکھیا کہ ملک وچ پیسا بہت اے پر اسلام آباد دے بابوواں اُتے لوکائی نوں اعتبار نہیں۔ اوہناں توں بہتر ساڈی حکومت سی۔ اج گنگا اُلٹی بہہ رہی اے۔ہر شے وچ نقصان ہو رہیا اے۔
