لاہور(پاکستان پوائنٹ نیوز08۔نومبر۔2018ء) سپریم کورٹ دے سینئر جج جسٹس آصف سعید خان کھوسہ نے آکھیا اے کہ چھیتی جھوٹھے گواہواں نوں عمر قید دیاں سزاواں ہون گیاں، جھوٹھے گواہواں نوں سزا دتی تے نظام ٹھیک ہو جائے گا، جھوٹھی گواہی اُتے سزاواں دین والے ججاں نوں وی روکاں گے۔ اوہناں نے اج ایتھے گل بات کردے ہوئے واضح کیتا کہ انشااللہ چھیتی جھوٹھے گواہواں نوں سزاواں دتیاں جان گیاں۔
جھوٹھے گواہواں نوں سزا دتی تے نظام ٹھیک ہو جائے گا۔ جھوٹھی گواہی دین والیاں نوں جیل گھلاں گے۔ اوہناں نے آکھیا کہ جھوٹھی گواہی اُتے سزاواں دین والے ججاں توں پُچھ ہوئے گی۔ انصاف نہ دین والے ججاں نوں منصفی دی کرسی اُتے بیٹھن دا کوئی حق نہیں اے۔ جسٹس آصف سعید نے آکھیا کہ مقدمہ بریت دا ہوندا اے تے ٹرائل کورٹ عمر قید دی سزا سُنا دیندی اے ۔ کیہ صرف سپریم کورٹ دے ججاں نے رب نوں جواب دینا اے۔ اوہناں نے ماتحت عدلیہ دے ججاں نوں مخاطب کرد ے ہوئے آکھیا کہ کیہ ماتحت عدلیہ دے ججاں نے رب نوں جواب نہیں دینا۔ جے ماتحت عدلیہ دے ججاں نے ایہو کُجھ کرنا اے تے فیر اوہناں نوں بند کر دیو۔
