اسلام آباد(پاکستان پوائنٹ نیوز05۔نومبر۔2018ء) حکومت نے تحریک لبیک نال ہویا سمجھوتا توڑن دا اشارہ دے دتا، سمجھوتے دے تحت گرفتار بندیاں دی رہائی سنے ہور کسے خلاف کارروائی نہیں کیتی جانی سی، پر وزیر اطلاعات نے پرتشد کارروائیاں وچ ملوث سارے بندیاں نوں گرفتار کرن دا اعلان کر دتا۔ تفصیل مطابق حکومت نے تحریک لبیک نال ہون والے سمجھوتے اُتے عملدرآمد نہ کرن دا اشارہ دے دتا اے۔
حکومت تے تحریک لبیک وچکار ہون والے سمجھوتے دے تحت گرفتار بندیاں دی رہائی سنے ہور کسے خلاف کارروائی نہیں کیتی جانی سی۔ پر ایس حوالے نال وفاقی وزیر اطلاعات فواد چودھری دا آکھنا اے کہ پرتشدد کارروائیاں وچ ملوث سارے بندیاں نوں گرفتار کیتا جائے گا۔ وفاقی وزیر اطلاعات و نشریات فواد چودھری نے آکھیا اے کہ ریاست کمزور نہیں، اسیں اگ بُجھان نوں ترجیح دتی تے بغیر نقصان د ے شہراں نوں کھولیا۔ پر ایہ مسئلے دا حل نہیں اے۔ پر دھرنے وچ آئین پاکستان، سیاسی عسکری قیادت تے عدلیہ دی توہین کیتی گئی۔ ریاست کمزور نہیں، بغاوت کرن والیاں نوں نہیں چھڈاں گے۔ توڑ بھن کرن والیاں کولوں حساب لواں ے۔اوہناں دا آکھنا سی کہ سمجھوتا حکمت عملی، اصل حل لبھاں گے۔
