ّقومی بچت دے ملازماں نے 2سو ملین روپئے چوری کر لئے

ّقومی بچت دے ملازماں نے 2سو ملین روپئے چوری کر لئے

اسلام آباد(پاکستان پوائنٹ نیوز05۔نومبر۔2018ء) ّقومی بچت دے ملازماں ولوں2سو ملین روپئے چوری کرن دا انکشاف ہویا اے۔ تفصیل مطابق حکام نے قومی بچت وچ ملین رُپئے دے فراڈ دا پتا چلا لیا۔ ایس فراڈ دے تحت قومی بچت دے ملازماں نے مبینہ طور اُتے دو سو ملین دی چوری کیتی تے فنڈ وچ اکٹھے ہون والے پیسے اپنے اپنے بنک اکاؤنٹس وچ منتقل کر لئے۔ ایتھے ایہ گل ذکر کرن والی اے کہ قومی بچت اک پبلک سیکٹر آرگنائزیش اے جیہدی کل مالیت 3.6بلین رُپئے اے۔

ایس ادارے توں 7ملین دے نیڑے لوک فائدہ چُکدے نیں۔ سبھ توں پہلاں ایس فراڈ دا انکشاف لاہور وچ موجود برانچ وچ ہویا۔ ملن والیاں اطلاعواں مطابق لاہور برانچ دے کئی ملازماں نے 110ملین رُپئے اپنے تے اپنے رشتے داراں دے اکاؤنٹس وچ گھلے جدکہ ہور 100ملین رُپئے دی منتقلی دی کوشش وی کیتی جا رہی سی۔ ہیومن ریسورسز آف دی سینٹرل ڈائریکٹوریٹ آف نیشنل سیونگز(Human Resources of the Central Directorate of National Savings (CDNS) دے ڈائریکٹر ندیم اقبال مطابق ایہ قومی بچت دی تاریخ دا سبھ توں وڈا فراڈ اے۔

اوہناں نے دسیا کہ پچھلے 15توں 16ورھیاں وچ قومی بچت وچ دو توں تن فراڈاں دی نشان کاری کیتی گئی۔ اوہناں دا آکھنا سی کہ غیر قانونی طریقے نال منتقل کیتے گئے فنڈز دا اک حصہ ریکور کر لیا گیا اے۔ جدکہ ایس کیس دی تفتیش نوں ایف آئی اے دے سپرد کر دتا گیا اے۔