ملک دی چالو صورتحال:لاہور وچ بدترین پٹرول بحران پیدا ہون دا ڈر

365پٹرول پمپس وچوں 25بند ہو گئے، ذخیرہ صرف ڈیڈھ دن دا رہ گیا

ملک دی چالو صورتحال:لاہور وچ بدترین پٹرول بحران پیدا ہون دا ڈر
 365پٹرول پمپس وچوں 25بند ہو گئے، ذخیرہ صرف ڈیڈھ دن دا رہ گیا

لاہور(پاکستان پوائنٹ نیوز02۔نومبر۔2018ء) ملک دی چالو(موجودہ) صورتحال دے نتیجے وچ لاہور شہر وچ پٹرول دا دا ذخیرہ صرف ڈیڈھ دن دا رہ گیا، 365پٹرول پمپس وچوں 25بند ہو گئے۔ تفصیل مطابق آسیہ بی بی دی بریت خلاف وکھالے تے احتجاج جاری اے۔ راولپنڈی، اسلام آباد، کراچی دے نال نال لاہور و ی ایہناں وکھالیاں(مظاہروں) دے نتیجے وچ بہت متاثر ہویا اے۔ ایس ویلے صورتحال ایہ اے کہ لاہور دے اندرونی راہ تھاؤں تھائیں بند نیں جدکہ باہر جان دے راہ وی بند نیں۔

انج دی صورتحال وچ لاہور اندر ہنگامی حالات پیدا ہو گئے نیں۔شہر بھر وچ صرف ڈیڈھ دن دا پٹرول باقی رہ گیا اے۔ جیہدی وجہ توں پٹرول دے بحران دا ڈر پیدا ہو گیا اے۔ لاہور شہر دی اک دن دی کھپت 25لکھ لیٹر اے جدکہ شہر وچ صرف 40لکھ لیٹر پٹرول رہ گیا اے۔ ایس صورتحال توں واضح اے کہ لاہور وچ صرف ڈیڈھ دن دا ذخیرہ باقی رہ گیا اے پر جے شہر دے حالات انج ای رہے تے شہر وچ پٹرول دا بحران پیدا ہو جائے گا، جیہدی وجہ توں لوک اک ہور مصیبت دا شکار ہو جان گے۔ہن تیکر شہر دے 365پٹرول پمپس وچوں 25بند ہو گئے نیں۔